RAHA

Ubeti wa kwanza (1 )

Asali tamu ya guru , raha kutekerenyeka
Kupatiwa kwa uhuru, nafsi yanyong’onyeka
Hii haina ushuru , K.R.A yaumbuka
Mapenzi hasa Napewa , sikuiga ni kufana


Ubeti wa pili ( 2 )

jinsi alivyoumbika , mbila mi nala vinono
Kitabu nikiandika , kalamu haishi wino
Niruhusu kutamka , uzi mepata mshono
Mapenzi hasa napewa , sikuiga ni kufana


Ubeti wa tatu ( 3 )

Mwali kungwi wake nani , wote nimpelekee
Anayoyafanya honey, hataki nijichokee
Bembelezi kitandani , naimbiwa nipumbae
Mapenzi hasa napewa , si kuiga ni kufana

Ubeti wa nne ( 4 )

Sauti yake hayuni , nyororo si karipia
Akiwa yu ubavuni , taratibu aongea
Nahisi mbingu fulani , peponi nishaingia
Mapenzi hasa napewa , si kuiga ni kufana


Ubeti wa tano ( 5 )

Umbo limeniridhia , kama chupa ya fanta
Zote nyanja mekolea , kidari chapwetepweta
Guu la bia lakaa , nyuma rojo latokota
Mapenzi hasa napewa , si kuiga nikufana

Ubeti wa sita ( 6 )

Mapishi ayajulia , viungo navyoungia
Mwiko nalo sufuria , matumizi nasifia
Na hakuna kusalia , chakulache maridhia
Mapenzi hasa napewa , si kuiga nikufana


Ubeti wa saba ( 7 )

Ameninasa samaki , napumba nimesinyaa
Mwengine katu sitaki , tengani nimenasia
Kwaheri mlo wa kiki, nafunga zangu aua
Nenda pewa yangu haki , si kuiga ni kufana

Shairi limetungwa na mbilA

• WordPress